Report.az
İnanırıq ki, mundialın sonunda çempionluq sevinci yaşayacağıq.
"Report"un məlumatına görə, bunu Azərbaycanın minifutbol millisinin futbolçusu Mirmehdi Rzayev Bakıda keçirilən dünya çempionatının Bəhreynlə oyunu sonrası jurnalistlərə çaıqlamasında deyib.
Oyunçu bərabərliklə başa çatan qarşılaşmanı şərh edib:
"Əsas hədəfimiz qrupdan çıxmaqdır. Bu görüşdə bəxtimiz gətirmədi. Əlimizə düşən qol fürsətlərindən yararlana bilmədik. Bu meydançada çox məşq etmək imkanımız olmayıb. Rəqib komandanın bəxti gətirdi. Oyunboyu üstün olan tərəf biz idik. Təəssüflər olsun, ani səhvdən qapımızda qol gördük. İnanırıq ki, mundialın sonunda çempionluq sevinci yaşayacağıq. Azarkeşlərimizə bizə verdikləri dəstəyə görə öz təşəkkürümü bildirirəm. Onlar bu gün möhtəşəm idilər".
Qeyd edək ki, A qrupunun görüşündə yığma Bəhreynlə 1:1 hesablı heç-heçəyə razılaşıb.
