Sport24.az
İsveç millisinin keçmiş hücumçusu Zlatan İbrahimoviç Portuqaliya millisinin kapitanı Kriştiano Ronaldonu Konqo DR yığması (1-1) ilə matçın 68-ci dəqiqəsindəki səhvinə görə tənqid edib. Sport24.az xəbər verir ki, o, bu barədə "Fox TV"-yə açıqlamasında danışıb:
"Adətən, hücum zamanı forvard kimi bir dirəkdən digərinə tərəf hərəkət etməklə müdafiəçini özünlə aparırsan və belədə komanda yoldaşına boş zona yaranır. Aydındır ki, həmin anda səhv qərar verdin, Kriştiano".
41 yaşlı Ronaldo Konqo DR yığması ilə matçda 90 dəqiqə meydanda olsa da heç nə ilə yadda qalmayıb.
Qeyd edək ki, DÇ-20-nın qrup mərhələsinin ikinci turunda portuqaliyalılar iyunun 23-də Özbəkistanla, konqolular isə iyunun 24-də Kolumbiya ilə qarşılaşacaqlar.
