Sport24.az
"Zirə" Azərbaycan Kubokunun finalında üçüncü, "Sabah" isə ikinci dəfə iştirak edəcək. Sport24.az xəbər verir ki, bu barədə Peşəkar Futbol Liqası məlumat yayıb.
"Zirə" yarımfinalda "Turan Tovuz"u (2:0, 0:0), "Sabah" isə "Qarabağ"ı (2:2, 2:1) mübarizədən kənarlaşdırıb. Qəsəbə klubu tarixində 3-cü dəfə finala yüksəlib. Zirənin eyniadlı təmsilçisi 2021/2022 və 2023/2024 mövsümlərində həlledici matçın iştirakçısı olub.
"Sabah" isə həm tarixində, həm də ardıcıl ikinci dəfə finalda oynayacaq. Ötən mövsümün qalibi titulunu qorumağa çalışacaq. Mayın 13-də üz-üzə gələcək rəqiblər əvvəlki final oyunlarında eyni komanda - "Qarabağ" ilə qarşılaşıblar.
Ümumilikdə isə 1992-ci ildən keçirilən yarışda 19 komanda finalda oynayıb: "Qarabağ" – 12, "Neftçi" - 11, "Şamaxı" – 6, "Xəzər Lənkəran", "Qəbələ" – 5, "Kəpəz" – 4, "Bakı", "Zirə" – 3, "Kür Nur", "Şəmkir", "Sumqayıt", "Sabah" – 2, "İnşaatçı", "Şəfa", Xəzri", "MKT-Araz", "Karvan", "Xəzər" L, "İnşaatçı" – 1.
![Zaur Həşimov: "Şəfa"nın "Araz-Naxçıvan"la heç-heçə etdiyi oyunda dörd xalın əlimizdən alındığını düşünürəm [video]](https://sportnews.az/storage/thumbs/list/5dc28bc4-0794-4d2b-8957-a40e6a2e3f77.webp "Zaur Həşimov: \"Şəfa\"nın \"Araz-Naxçıvan\"la heç-heçə etdiyi oyunda dörd xalın əlimizdən alındığını düşünürəm [video]")
