Sport24.az
"Yuventus" Dusan Vlahoviçə son müqavilə təklifini təqdim edib. Sözləşmə bir mövsüm üçün qüvvədədir və bonuslar da daxil olmaqla 8 milyon avro maaş nəzərdə tutulub. Sport24.az xəbər verir ki, bu barədə "Gazzetta dello Sport" məlumat yayıb.
Ötən mövsüm 26 yaşlı hücumçu Turin komandasının heyətində bütün turnirlərdə 23 oyun keçirib, 10 qol vurub və 2 məhsuldar ötürmə edib. "Yuventus" oyunçunu saxlamaq istəyir, lakin uzunmüddətli müqavilə riskini götürməyə hazır deyil. Serbiyalı daha çox (10 milyon avro) qazanırdı və təklif olunan bir illik müqaviləyə razılaşmır.
Qeyd edək ki, Vlahoviçin İngiltərədən təklifləri var və "Yuventus" hücumçunu saxlaya bilməsə, klub onu pulsuz itirəcək.
