Sport24.az
"Turan Tovuz" bu gün Azərbaycan kubokunun yarımfinal mərhələsinin ilk matçında "Zirə" ilə üz-üzə gəlib. Sport24.az xəbər verir ki, Mehdi Hüseynzadə adına Sumqayıt şəhər stadionunda 0:2 hesabı ilə məğlub olduqları oyundan sonra bölgə təmsilçisinin məşqçisi Yunis Hüseynovun mətbuat konfransı olub.
Hüseynov qalib gəlmək istədiklərini bildirib:
"Hər iki komanda qalib gəlmək istəyirdi. Kubok elədir ki, avrokuboklara getmək baxımından daha rahatdır. Biz də qalib gəlmək istəyirdik. Bu gün öz səhvlərimizdən məğlub olduq. Çempionat oyununa hazırlaşacağıq. "Zirə" ilə cavab matçında qələbə qazanmağa çalışacağıq.
Hakimliklə bağlı danışmaq istəmirəm. Epizoda baxdıq, penalti görünürdü.
İbrahima Vadji də çox çalışır. Düşünürəm ki, bir qol vursa, davamı da gələcək. Biz də istəyirik fərqlənsin".
