Sport24.az
"Neftçi"dən ayrılan Vensan Abubakar karyerasını İraqda davam etdirə bilər. Sport24.az Afrika mətbuatına istinadən xəbər verir ki, 34 yaşlı hücumçu bu ölkənin "Zakho" klubu ilə danışıqlar aparır.
Məlumata görə, İraq Premyer Liqası təmsilçisi təcrübəli forvarda bir illik müqavilə təklif edib.
Tərəflər arasında müzakirələr davam edir və yaxın günlərdə yekun qərarın veriləcəyi gözlənilir.
Vensan Abubakar 2025-ci ilin oktyabrında "Neftçi"yə transfer olunmuşdu. Kamerunlu futbolçu Bakı təmsilçisinin heyətində keçirdiyi 18 rəsmi oyunda 9 qol vurub.
Təcrübəli hücumçu xüsusilə Premyer Liqadakı məhsuldarlığı ilə seçilib. Belə ki, o, meydana çıxdığı 16 çempionat oyununda 7 dəfə fərqlənərək 2025/2026 mövsümünün ən yüksək qol ortalamasına malik futbolçularından biri olub.
