Sport24.az
"Turan Tovuz" klubu Çinin "Uhan Fri Tauns" komandasında çıxış edən venesuelalı futbolçu Jonder Kadisə maraq göstərib. Sport24.az bu barədə etibarlı mənbədən məlumat əldə edib.
Qərb təmsilçisi 30 yaşlı hücumçunu heyətinə qatmaq imkanlarını nəzərdən keçirib. Lakin "Turan Tovuz" ilk cəhddəcə "yox" cavabı alıb.
Hazırda komandası 23 turdan sonra 19 xalla turnir cədvəlinin 15-ci pilləsində qərarlaşsa da, Kadis fərdi göstəriciləri ilə diqqət çəkir. Venesuelalı forvard 2026 mövsümündə meydana çıxdığı 23 qarşılaşmada 16 qol vurub və 6 məhsuldar ötürmə ilə yadda qalıb.
Futbolçunun 2 milyon avrodan artıq bazar dəyərinin olması və son dönəmlərdəki məhsuldar çıxışı "Turan Tovuz"un transferdə işini xeyli çətinləşdirib.
