Idman.biz
İspaniyanın "Barselona" komandasının qapıçısı Mark-Andre ter Ştegen "Jirona"ya keçməyə çox yaxındır.
İdman.Biz "Sport" nəşrinə istinadla xəbər verir ki, iki klub arasında münasibətlər çox yaxşıdır və "Jirona" alman qolkiperin transferini reallaşdırmaq üçün mümkün olan hər şeyi etməyə hazırdır.
Mənbə yazır ki, Kataloniya təmsilçisi Ter Ştegeni əsas hədəflərindən biri kimi müəyyənləşdirib və danışıqlar artıq irəliləmiş mərhələdədir. Klub rəhbərliyi təcrübəli qapıçının komandaya böyük fayda verəcəyinə inanır.
Hazırda transferin hansı formatda - icarə və ya birdəfəlik keçid şəklində olacağı dəqiqləşməyib, lakin tərəflər arasında razılığın yaxın olduğu bildirilir.
