Sport24.az
Ukrayna millisinin baş məşqçisi Sergey Rebrov gələcəyi ilə bağlı sualı cavablandırıb. Sport24.az xəbər verir ki, o, bu barədə "Nemzeti Sport"a açıqlama verib:
"Ukrayna millisi ilə müqaviləm dünya çempionatından əvvəl bitir. Mundiala vəsiqə qazansaq, əlbəttə ki, millinin "sükanı arxasında" məşqçi qalacam. Əks halda düşünəcəyik. Artıq Səudiyyə Ərəbistanından təkliflər var. Məni astronomik məbləğlərlə şirnikləndirirlər. Amma düzünü desəm, hələlik ora qayıtmaqda maraqlı deyiləm. Daha ciddi bir çağırış gözləyirəm".
Qeyd edək ki, Rebrov 2023-cü ilin yayından Ukrayna millisinin baş məşqçisir.
