Idman.biz
"Şamaxı" "Turan Tovuz"la qarşılaşmada qələbə qazanıb.
İdman.Biz bildirir ki, matç 3:2 hesabı ilə bitib.
Bu qələbə ilə "Şamaxı" 38 xal toplayaraq 8-ci yerdə möhkəmlənib. Klub 9-cu yerdəki "İmişli"dən 5 xal irəlidədir. Lakin sonuncular bir oyun az keçiriblər.
"Turan Tovuz" isə 59 xalla üçüncüdür və ikinci yerdəki "Qarabağ"a çatmaq şanslarını itirib.
18:43
"Şamaxı" "Turan Tovuz"la qarşılaşmada yenidən irəli çıxıb.
İdman.Biz bildirir ki, 83-cü dəqiqədə Abdulla Rzayev komandasının üçüncü qolunu vurub - 3:2.
18:32
"Şamaxı" - "Turan Tovuz" qarşılaşmasında hesab yenə dəyişib.
İdman.Biz bildirir ki, 73-cü dəqiqədə Alexandro Serrano Tovuz komandasının ikinci qolunu vurub - 2:2.
18:24
"Şamaxı" - "Turan Tovuz" qarşılaşmasında hesab dəyişib.
İdman.Biz bildirir ki, 65-ci dəqiqədə İbrahima Vaci Tovuz komandasının ilk qolunu vurub - 2:1.
18:03
"Şamaxı" - "Turan Tovuz" qarşılaşmasının ikinci hissə start götürüb.
İdman.Biz xəbər verir ki, "Şamaxı" ilk hissəni üstün tamamlayıb və fasiləyə 2:0 hesablı qələbə ilə yollanıb.
17:49
Misli Premyer Liqasının 32-ci turunda keçirilən "Şamaxı" - "Turan Tovuz" qarşılaşmasının ilk hissəsi başa çatıb.
İdman.Biz xəbər verir ki, "Şamaxı" ilk hissəni üstün tamamlayıb və fasiləyə 2:0 hesablı qələbə ilə yollanıb.
17:35
Misli Premyer Liqasının 32-ci turunda "Şamaxı" "Turan Tovuz"la oyununda hesabda önə keçib.
İdman.Biz xəbər verir ki, "Şamaxı"nın futbolçusu Dioqo Balau matçın 28-ci dəqiqəsində topu rəqib qapısından keçirərək hesabı 2:0-a çatdırıb.
17:13
Misli Premyer Liqasının 32-ci turunun "Şamaxı" - "Turan Tovuz" oyununda hesab açılıb.
İdman.Biz xəbər verir ki, "Şamaxı"nın oyunçusu Arsen Ağcabəyov qarşılaşmanın doqquzuncu dəqiqəsində fərqlənib - 1:0.
17:00
Misli Premyer Liqasının 32-ci turunun "Şamaxı" - "Turan Tovuz" oyununa start verilib.
İdman.Biz xəbər verir ki, komandalar matça aşağıdakı start heyətləri ilə qatılıblar.
"Şamaxı": 1. Rikardo Fernandes, 82. Rüfət Abbasov, 5. Arsen Ağcabəyov, 7. Edqar Adilxanov, 3. Vladislav Veremeyev, 97. Oruc Məmmədov, 9. Karim Rossi, 13. Rikardo Apolinario, 11. Dioqo Balau, 4. Sezar Enrike, 2. Abdulla Rzayev.
Ehtiyat oyunçular: 62.Aydın Seydəhmədov, 99. Sənan Həşimov, 17. Rövşən Məhərrəmli, 10. Andrey Tirkoveanu, 80. Hacıağa İsmayılov, 27. Elçin Süleymanov, 19. Abdullahi Şuaybu, 21. Belajdi İsmayılov, 14. Ramin Qafarov, 77. Nihad Mehralıyev, 48. Rauf Muradov, 88. Ruan Fernandeş.
Baş məşqçi: Ayxan Abbasov
"Turan Tovuz": 41. Sergey Samok, 5 Roderik Miller, 10 Xəyal Nəcəfov, 11 Abbas Hüseynov, 23 Aleks Serrano, 15 Emmanuel Hakman (kapitan), 17 Rəhim Sadıxov, 90 Conatan Santos, 32 Heizer Hurtado, 3 Eberton Silva, 7 Xorxe Silva.
Ehtiyat oyunçular: 13. Məmməd Hacıyev, 1 Ozan Baklov, 4 Şəhriyar Əliyev, 6 Faiq Yusifli, 29 Filip Ozobiç, 99 Viktor İbrahima, 19 Renat Olabe, 8 Diogo Tavares, 2 Mark Mampassi.
Baş məşqçi: Kurban Berdiyev
09:00
Bu gün futbol üzrə Misli Premyer Liqasının 32-ci turunun oyunu "Şamaxı" "Turan Tovuz" arasında baş tutacaq.
İdman.Biz xəbər verir ki, saat 17:00-da start götürəcək turun qarşılaşmasını Ruslan Quliyev idarə edəcək.
"Şamaxı" 35 xalla turnir cədvəlinin səkkizinci pilləsində yer alıb. 59 xala malik "Turan Tovuz" isə üçüncüdür.
Misli Premyer Liqası
Üçüncü dövrə, 32-ci tur
16 may (şənbə)
17:00. "Şamaxı" - "Turan Tovuz"
Hakimlər: Ruslan Quliyev, Eyyub İbrahimov, Teymur Teymurov, Rəvan Həmzəzadə.
VAR: Kamranbəy Rəhimov.
AVAR: Zeynal Zeynalov.
Hakim-inspektor: Rəhim Həsənov.
AFFA nümayəndəsi: Emin Cəfərov.
Şamaxı şəhər stadionu
Qeyd edək ki, tura mayın 17-də yekun vurulacaq.
