Sport24.az
"Sabah" klubunun mövsümün sonunda yollarını ayıracağı futbolçulardan biri müəyyənləşib. Sport24.az bu barədə etibarlı mənbədən məlumat əldə edib.
"Bayquşlar" mövsümün sonunda cinah müdafiəçisi Tellur Mütəllimovla vidalaşmaq niyyətindədir. 30 yaşlı oyunçu növbəti mövsüm üçün baş məşqçi Valdas Dambrauskasın planlarına daxil deyil.
Mütəllimov hazırkı mövsümdə heyətə düşməkdə çətinlik çəkir. O, çempionatda 3 matçda (28 dəqiqə), ölkə kubokunda 1 qarşılaşmada (35 dəqiqə) meydanda olub.
Qeyd edək ki, Tellur Mütəllimov 2022-ci ildən "Sabah"da çıxış edir.
