Idman.biz
Ukraynanın "Çernomorets" futbol klubunun baş məşqçi postuna Roman Qriqorçuk gətirilib.
İdman.Biz xəbər verir ki, bu barədə klubun mətbuat xidməti məlumat yayıb.
Qriqorçuk klubla 1+1 illik müqavilə imzalayıb.
Mütəxəssis ilk açıqlamasında bildirib ki, "Çernomorets" onun üçün xüsusi məna daşıyır:
"Bəli, 2010-cu ildə olduğu kimi indi də oxşar hisslər var. Əsas oxşarlıq ondadır ki, burada olmaqdan məmnunam. "Çernomorets" mənim həyatımda çox vacib yer tutur. Bu klubu sevirəm. Mənim bir arzum var - yenidən dolu stadion görmək, çempionatda yüksək yer tutmaq və avrokuboklarda çıxış hüququ qazanmaq. İstəyirəm ki, biz birlikdə yenə o atmosferi yaşayaq."
Qeyd edək ki, Roman Qriqorçuk daha əvvəl də iki dəfə "Çernomorets"in baş məşqçisi olub – 2010-2014 və 2021-2024-cü illər aralığında.
Xatırladaq ki, Qriqorçuk 2015-2018-ci illərdə "Qəbələ", 2024-cü ildə isə "Neftçi" komandasının sükanı arxasında olub.
