Sport24.az
"Arsenal"ın vingeri Qabriel Martinellini "Real"a təklif olunub. "Kral klubu"nda onu Vinisius Juniorun potensial əvəzedicisi kimi görürlər. Sport24.az xəbər verir ki, bu barədə "Defensa Central" məlumat yayıb.
Mənbənin sözlərinə görə, 24 yaşlı futbolçunun potensial transfer haqqı təxminən 100 milyon avro ola bilər. Martinelli də yaxın ətrafı ilə söhbətdə yeddi ildən sonra London klubundan ayrılacağını istisna etməyib.
Qeyd edək ki, "Arsenal"ın hücumçusu bu mövsüm bütün turnirlərdə 25 oyunda meydana çıxıb, 9 qol vurub və 1 məhsuldar ötürmə edib. Onun klubla hazırkı müqaviləsi 2027-ci ilin yayına qədərdir. "Transfermarkt" portalı onun bazar dəyərini 45 milyon avro qiymətləndirir.
