Idman.biz
"Albasete" ilə "Real Madrid" arasında Kral Kubokunun 1/8 final mərhələsinin oyunu başa çatıb.
İdman.Biz bildirir ki, komandalar İspaniyanın Albasete şəhərindəki "Karlos Belmonte" stadionunda oynayıblar.
"Albasete" 3:2 hesablı qələbə qazanıb.
42-ci dəqiqədə yarımmüdafiəçi Xavi Villar "Albasete"ni irəli çıxarıb. 45-ci dəqiqədə argentinalı Franko Mastantuono hesabı bərabərləşdirib. 82-ci dəqiqədə hücumçu Hefte Betankor ev sahibi komandanı yenidən irəli çıxarıb. 90-cı dəqiqədə hücumçu Qonsalo Qarsiya "Real Madrid"in ikinci qolunu vurub. 90-cı dəqiqədə hücumçu Hefte Betankor "Albasete"yə qələbə qazandırıb.
Beləliklə, "Real Madrid" İspaniya Kubokunda mübarizəni dayandırıb.
