Sport24.az
"Qarabağ" bu gün Avropa Liqasının Liqa mərhələsində XII turun oyununa çıxacaq. Sport24.az xəbər verir ki, Ağdam təmsilçisi evdə FCSB (Rumıniya) ilə qarşılaşacaq.
Buxarest klubu 11 xalla hazırda turnir cədvəlində 10-cu, "Qarabağ" isə 3 xalla 33-cüdür. Qurban Qurbanovun komandası pley-off şanslarını qorumaq üçün Rumıniya klubuna qalib gəlməlidir. Qonaqların isə əsas hədəfi ilk "səkkizliy"ə düşüb 1/8 finala birbaşa yüksəlməkdi. Məhz bu səbəbdən Rumıniya təmsilçisi Bakıya 3 xal üçün gəlib.
Qeyd edək ki, "Qarabağ" Liqa mərhələsinin son - 8-ci turunda Yunanıstan "Olimpiakos"unun qonağı olacaq.
Avropa Liqası,
Liqa mərhələsi, VII tur
21:45. "Qarabağ" (Azərbaycan) - FCSB (Rumıniya)
Hakimlər: Filip Qlova, Daniel Polaçek, Peter Bednar, Lukaş Dzivyak (Slovakiya)
VAR: Mihal Oçenaş
AVAR: Martin Dohal
Bakı. Tofiq Bəhramov adına Respublika Stadionu
