Idman.biz
"Mançester Yunayted"in keçmiş müdafiəçisi Qari Nevill "qırmızı şeytanlar"ın baş məşqçisi vəzifəsinə ən yaxşı namizədlərin adlarını açıqlayıb.
İdman.Biz bildirir ki, Nevill "qırmızı şeytanlar"ın müvəqqəti çalışdırıcısı Maykl Kerrikdən cari mövsümdən sonra istefa verməsini istəyib.
"Ümid edirəm ki, Maykl yaxşı idarə edəcək. Amma Mayklın bu mövsümdən sonra, özü və klub naminə, hətta hər oyunda qalib gəlsə belə, bu vəzifədə qalmasına icazə verə bilmərik. Bu vəzifəyə üç əsas namizəd Tuxel, Ançelotti və Poçettinodur. Onlar potensial olaraq dünya çempionatından sonra gələ bilərlər. "Mançester Yunayted"i oyunçular üçün cəlbedici bir kluba çevirmək üçün işi ciddi qəbul edəcək güclü nüfuza malik bir menecerə ehtiyacımız var. Gənc bir menecerin təyin edilməsi "Yunayted" oyunçularını itirəcək. "Mançester Yunayted" onsuz da çoxlu oyunçu itirəcək, amma Ançelotti kimi biri yeni oyunçular gətirə bilər", - The Sun qəzeti Nevillin sözlərini sitat gətirir.
"Mançester Yunayted" 13 yanvar tarixində Kerrikin baş məşqçi təyin olunduğunu elan etdi. "Qırmızı şeytanlar"ın keçmiş yarımmüdafiəçisi mövsümün sonuna qədər klubla müqavilə imzaladı. Portuqaliyalı hücumçu Ruben Amorimin qovulmasından sonra komandaya "Mançester Yunayted"in digər keçmiş oyunçusu Darren Fletçer rəhbərlik edirdi.
