Idman.biz
PSJ Ferran Torresin transferi istiqamətində konkret addım atıb.
İdman.Biz xəbər verir ki, jurnalist Viktor Navarronun məlumatına görə, fransalılar artıq 26 yaşlı futbolçu və onun agentlərinə müqavilə təklifi göndəriblər.
Bununla belə, PSJ hələlik "Barselona"ya rəsmi təklif ünvanlamayıb.
Ferran Torresin gələcəyi son həftələrdə İspaniya mətbuatının əsas mövzularından biridir. "Mundo Deportivo" daha əvvəl PSJ-nin ispaniyalı hücumçu ilə ciddi maraqlandığını, "Barselona"nın isə oyunçunu satmaq niyyətində olmadığını yazmışdı. Kataloniya klubu yalnız futbolçunun özü ayrılmaq istədiyi halda mümkün transferi nəzərdən keçirməyə hazırdır.
Torresin "Barselona" ilə hazırkı müqaviləsi 2027-ci ilin yayında başa çatır. Klub onunla yeni sözləşmə imzalamağı planlaşdırsa da, danışıqların sentyabra saxlanılması nəzərdə tutulur.
