Idman.biz
İngiltərə Premyer Liqasının 22-ci turunda "Nottinqem Forest" "Arsenal"ı qəbul edib.
İdman.Biz bildirir ki, oyun 0:0 hesablı heç-heçə ilə başa çatıb.
22 turdan sonra "Arsenal" komandası İngiltərə Premyer Liqasında 50 xalla birinci yerdədir. Onların ən yaxın rəqibləri "Mançester Siti" ilə yeddi xal fərqi var. "Nottingem Forest" isə 22 xalla 17-ci yerdədir.
21:11
İngiltərə Premyer Liqasının 2025/2026 mövsümünün 22-ci turunun "Çelsi" və "Brentford" arasında oyunu başa çatdı.
Oyun Londondakı "Stemford Bridc"də baş tutdu. Ev sahibi komanda 2:0 hesabı ilə qalib gəlib.
Matçın ilk qolunu Joao Pedro vurub. "Göylər"in braziliyalı hücumçusu ilk hissənin 26-cı dəqiqəsində hesabı açıb. İkinci hissənin 76-cı dəqiqəsində Koul Palmer penaltidən qol vuraraq ev sahibi komandanın üstünlüyünü artırıb.
Turun digər oyununda "Tottenhem" "Vest Hem"ə uduzub – 1:2.
"Lids Yunayted" isə öz meydançasında "Fulhem"dən üstün olub – 1:0.
"Liverpul" "Bernli"nin müqavimətini qıra bilməyib – 1:1.
"Sanderlend" isə çətinliklə "Kristal Palas"ı məğlub edə bilib – 2:1.
18:36
İngiltərə Premyer Liqasında 22-ci turun "Mançester Yunayted" və "Mançester Siti" arasında keçirilən oyunu başa çatıb.
İdman.Biz bildirir ki, "Old Trafford"da baş tutan matç meydan sahiblərinin 2:0 hesablı qələbəsi ilə qurtarıb.
"Mançester Yunayted"in hücumçusu Brayan Mbemo 65-ci dəqiqədə hesabı açıb. Yarımmüdafiəçi Patrik Dorqu 76-cı dəqiqədə ev sahibi komandanın ikinci qolunu vurub.
Premyer Liqanın 22 turundan sonra "qırmızı şeytanlar"ın 35 xalı var və onlar dördüncü yerdədirlər. "Siti"nin isə 43 xalı var və onlar ikinci yerdə qərarlaşıblar.
Bu, Premyer Liqada "Mançester Yunayted"in Maykl Kerrikin başçılığı altında keçirdiyi ilk oyun olub.
