Sport24.az
Türkiyənin "Ərzurumspor" klubu "Kolambus Kryu"dan icarəyə götürdüyü Azərbaycan millisinin futbolçusu Nəriman Axundzadəni birdəfəlik heyətə qata bilər. Sport24.az bu barədə etibarlı mənbədən məlumat əldə edib.
Mümkün keçidə Axundzadənin cari mövsümdə göstərdiyi performans təsir edəcək. Belə ki, müqavilədəki bəndə əsasən, 22 yaşlı hücumçu Superliqa klubunun istədiyi kimi çıxış edə bilsə, transfer hüquqları alınacaq.
Xatırladaq ki, Nəriman Axundzadə bu ilin fevralında "Qarabağ"dan MLS təmsilçisi "Kolambus Kryu"ya transfer olunmuşdu.
