Lent.az
Misir millisinin direktoru İbrahim Həsən "Liverpul"un hücumçusu Məhəmməd Salahın MLS-ə mümkün transferi ilə bağlı xəbərləri şərh edib.
Lent.az-ın xarici KİV-ə istinadla məlumatına görə, o bildirib ki, Salahın Avropada qalmasını istəyir:
"Eşitmişəm ki, ona PSJ, Bavariya və A Seriyası klubları maraq göstərir. MLS-ə keçərsə, Məhəmməd diqqət mərkəzindən uzaq düşəcək. O zaman siz Salahı mənim indi Lionel Messi haqqında xatırladığım qədər xatırlayacaqsınız. Mən hətta onun oyununu izləməyə də çalışmıram".
Martın 24-də Salah 2025/26 mövsümünün sonunda "Liverpul"dan ayrılacağını açıqlayıb.
Hücumçu klubun heyətində bütün turnirlərdə 435 oyuna çıxıb, 255 qol vurub və 122 məhsuldar ötürmə edib.
Daha əvvəl onunla "Inter Mayami" və "Əl-İttihad" klubunun maraqlandığı bildirilib.
