UEFA Millətlər Liqasının 2026/2027 mövsümündə qrup mərhələsinin sonuncu, altıncı turunun oyunları keçirilib.
İdman.Biz xəbər verir ki, A Liqasının 4-cü qrupunda Portuqaliya millisi səfərdə Uelsi 3:2 hesabı ilə məğlub edib.
Kardiffdə keçirilən qarşılaşmada Brunu Fernandeş 11-ci dəqiqədə hesabı açıb. Devid Bruks iki dəqiqə sonra tarazlığı bərpa edib. 41-ci dəqiqədə Sorba Tomas Uelsi önə çıxarsa da, Pedro Netu fasiləyə qədər hesabı bərabərləşdirib.
70-ci dəqiqədə Karluş Forbş Portuqaliyanın qələbə qolunu vurub. Dörd dəqiqə sonra Netu ikinci sarı vərəqəni alaraq meydandan qovulub. Buna baxmayaraq, qonaqlar hesabı qorumağı bacarıblar.
Portuqaliya 15 xalla qrupu birinci, Uels isə üç xalla sonuncu pillədə başa vurub.
B Liqasının 2-ci qrupunda isə Ukrayna millisi Gürcüstanı 1:0 hesabı ilə məğlub edib. Slovakiyanın Koşitse şəhərində keçirilən görüşdə yeganə qolu ilk dəqiqədə Daniil Sikan vurub.
Gürcüstan millisinin futbolçusu Luka Loçoşvili 90+1-ci dəqiqədə qırmızı vərəqə alıb.