Idman.biz
"Midlsbro" azarkeşi Nik Ueyts təxminən 30 ildir klubun heç bir rəsmi oyununu buraxmır.
İdman.Biz bildirir ki, Ueyts komandanın ardıcıl 1400 oyununda olub.
Onun seriyası 1996-cı ilin sentyabrında başlayıb və mövsümöncəsi yoldaşlıq oyunları istisna olmaqla, bütün yarışlarda hər matçı əhatə edir. Onun buraxdığı son oyun 1992-ci ildə, "Midlsbro" Premyer Liqaya yüksəlmək üçün "Vulverhempton"u məğlub etdiyi matç olub. Bu oyun onun qardaşının toy gününə təsadüf edib.
Ueyts qeyd edib ki, illər ərzində "bəzən çox təhlükəli anlar" yaşayıb, o cümlədən pandemiya dövründə oyunlara buraxılmadığı bir dövr olub. Seriyanın "nə vaxtsa bitməli olduğunu" qəbul etsə də, o, komandanı dəstəkləməyə davam etmək niyyətindədir. 10 yanvarda "Fulhem"ə qarşı səfər matçında Ueyts azarkeş karyerasında daha bir vacib mərhələyə - 1400 oyuna çatıb.
"Bir neçə dəfə xəstələnmək üzrə olmuşam. Bir neçə dəfə olub ki, əgər fiziki hazırlıq testi olsaydı, ondan keçə bilməzdim", - Ueyts deyib.
