Sport24.az
Cari mövsümün ən yaxşı futbolçularından biri, "Liverpul"un cinah oyunçusu Məhəmməd Salah sevimli futbolçusunun adını açıqlayıb. Sport24.az xəbər verir ki, misirli CNN-ə açıqlamasında Stiven Cerrardın adını qeyd edib:
"Kompüterdə futbol oynayanda Cerrardı seçirdim. O, həmişə bəyəndiyim yeganə futbolçu olub. Onun yaxşı zərbələri, baxımlı qolları olub. İstənilən nöqtədən fərqlənə bilirdi. Həyatda onunla iki dəfə görüşmüşəm və o, inanılmazdır və sözün həqiqi mənasında "böyük adam"dır.
Qeyd edək ki, Salah cari mövsümdə bütün turnirlərdə ümumilikdə 39 oyun keçirib, 30 qol vurub və 22 məhsuldar ötürmə edib.
