Bu gün Misli Premyer Liqasının XII turuna 2 oyunla yekun vurulacaq.
Sportify.az xəbər verir ki, əvvəlcə “Araz-Naxçıvan” “Neftçi” ilə qarşılaşacaq. Şamaxı şəhər stadionunda keçiriləcək oyun saat 14:30-da başlanacaq. Naxçıvan klubu 4 xalla sonuncu – 12-ci pillədə qərarlaşıb. Aktivində 24 xalı olan “Neftçi” isə 2-ci yerdədir. Komandaların 2-i turdakı matçında paytaxt klubu 5:0 qolla qalib gəlib.
Günün və turun sonuncu matçında “Kəpəz” “Qarabağ”ı qəbul edəcək. Gəncə şəhər stadionunda keçiriləcək oyunun bütün biletlərinin satılması tribunaların dolu olacağı anlamına gəlir. Böyük həyəcanla gözlənilən matç saat 17:00-da başlanacaq. “Qarabağ” 19 xalla 5-ci, “Kəpəz” 17 xalla 6-cı pillədədir.
Hər iki oyun “CBC Sport” telekanalında canlı yayımlanacaq.
Misli Premyer Liqası, XII tur
22 noyabr (bazar)
14:30 “Araz-Naxçıvan” – “Neftçi”
Hakimlər: Rəvan Həmzəzadə, Şirmamed Mamedov, Teymur Teymurov, Əliyar Ağayev
VAR hakimi: Fərid Hacıyev
AVAR hakimi: Vüsal Məmmədov
Hakim-inspektor: Babək Quliyev
AFFA nümayəndəsi: Elçin Mehtiyev
Şamaxı şəhər stadionu
17:00 “Kəpəz” – “Qarabağ”
Hakimlər: Zeynal Zeynalov, Tərlan Talıbzadə, Ruslan Quliyev
VAR hakimi: Əkbər Əhmədov
AVAR hakimi: Rəhman İmami
Hakim-inspektor: Ramil Diniyev
AFFA nümayəndəsi: İlham Əliyev
Gəncə şəhər stadionu
20 noyabr (cümə)
"İmişli" – "Zirə" – 2:2
"Sumqayıt" – "Sabah" 1:5
21 noyabr (şənbə)
"Şamaxı" – "Turan Tovuz" – 0:2
"Şəfa" – "Qəbələ" – 0:2