Sport24.az
Yeni mövsümdən etibarən "Real" formasını geyinəcək Mark Kukurella transferi və gələcək planları barədə danışıb. Sport24.az xəbər verir ki, ispaniyalı müdafiəçi transfer prosesinin gözlənilmədən sürətlə başa çatdığını bildirib:
"Hər şey bir yarım-iki gün ərzində həll olundu. Bu, mənim üçün daha yaxşı idi. Heç bir əlavə gərginlik yaşamadım", - deyə futbolçu qeyd edib.
Kukurella bildirib ki, Madrid klubundan təklif alan kimi qərar verməkdə tərəddüd etməyib:
"Başqa variantlar da var idi. Amma "Real"dan təklif gələndə heç düşünmədim. Bu, qaçırılmayacaq bir fürsətdir. "Real"da oynamaq böyük şərəfdir".
İspan futbolçu klubun baş məşqçisi ilə söhbətinin də qərarında mühüm rol oynadığını vurğulayıb:
"Mourinyo mənə böyük etimad göstərdi. Komandaya uyğunlaşacağıma inandığını dedi. Onunla işləməyə başlamağı səbirsizliklə gözləyirəm".
Vaxtilə akademiyasında yetişən müdafiəçi keçmişi ilə bağlı müqayisələrə də münasibət bildirib:
"Həyat müxtəlif mərhələlərdən ibarətdir. Qarşımda vacib qərar var idi və seçimimə görə heç bir şübhəm yoxdur".
Kukurella həmçinin düşüncə tərzinin Madrid klubunun fəlsəfəsinə uyğun gəldiyini vurğulayıb:
"Mən son dəqiqəyə qədər mübarizə aparan futbolçuyam. Düşünürəm ki, bu, "Real"ın ruhuna və prinsipinə tam uyğundur".
