Idman.biz
İspaniyanın "Real Madrid" klubunda baş məşqçi postu üçün adı hallanan Jurgen Kloppla bağlı yeni və diqqətçəkən iddia ortaya çıxıb.
İdman.Biz "Fichajes"ə istinadla xəbər verir ki, alman mütəxəssis "Real Madrid"dən mümkün təklifi qəbul etmək Vinisius Juniorun komandadan ayrılmasını istəyir.
Məlumata əsasən, Klopp komandanın oyun üslubunu tam şəkildə öz futbol fəlsəfəsinə uyğun qurmaq niyyətindədir. Bu məqsədlə o, heyətdə köklü dəyişikliklərin aparılmasını vacib hesab edir və Vinisius Juniorun gedişi də bu planın əsas hissələrindən biri kimi qiymətləndirilir.
Qeyd olunur ki, bu tələb "Real Madrid" rəhbərliyi daxilində ciddi müzakirələrə səbəb olub. Klubun aparıcı və simvolik fiqurlarından biri sayılan Vinisius Juniorla yolların ayrılması böyük və riskli qərar kimi dəyərləndirilir. Məhz bu amilin Madrid klubunun baş məşqçi seçiminə birbaşa təsir göstərə biləcəyi vurğulanır.
