Sport24.az
Yaponiya millisinin və "Neftçi"nin keçmiş yarımmüdafiəçisi Keysuke Honda "Jurong"un heyətində ilk oyununu keçirib. Sport24.az xəbər verir ki, 40 yaşlı yaponiyalı futbolçu Sinqapur liqasının 2-ci turu çərçivəsində "Hougang United"ə qarşı keçirilən və komandasının 3:0 hesablı qələbəsi ilə nəticələnən matçda əvəzetmədən meydana çıxıb və səkkiz dəqiqə oynayıb.
Bu ilin yazında futbolçu karyerasını bərpa etmək qərarını belə izah etmişdi:
"Özüm üçün bir sıra şəxsi hədəflər müəyyənləşdirmişəm. Bunlardan biri də müxtəlif ölkələrin yüksək liqalarında ən çox oyun keçirmək və qol vuraraq Ginnesin Rekordlar Kitabına düşməkdir".
Qeyd edək ki, Honda karyerası ərzində "Neftçi" ilə yanaşı,"Milan", "Naqoya Qrampus", "VVV-Venlo", "Paçuka", "Botafoqo", "Melburn Viktori", "Suduva", "Vitess", "Paro" və ÇSKA (Moskva) klublarında çıxış edib. Keysuke 2020-ci ildə beş qitədə — Avropa, Asiya, Şimali Amerika, Avstraliya və Cənubi Amerikada — qol vuran tarixdəki ilk futbolçu olub.
