Idman.biz
Qazaxıstanın "Kayrat" klubu Çempionlar Liqasının ümumi mərhələsində Belçikanın "Brügge" komandası ilə oyunda müsbət nəticə qazana bilər.
İdman.Biz xəbər verir ki, bu barədə sabiq futbolçu, hazırda Qazaxıstanın Şımkənd şəhərində futbol akademiyasının rəhbəri olan Yelmar Nabiyev fikirlərini bölüşüb.
Mütəxəssi sports.kz saytına açıqlamasında "Kayrat"ın əsas şanslarını məhz yerli amillərlə əlaqələndirib:
"Brügge"yə qarşı müsbət nəticə yalnız doğma meydan amili hesabına mümkündür. Bu halda söhbət "Astana Arena"dan, süni örtüklü meydançadan və güclü şaxtadan gedir. Əminəm ki, almatılılar bu cür şəraitə rəqibdən daha yaxşı uyğunlaşıblar".
Qeyd edək ki, "Kayrat" - "Brügge" oyunu bu gün Astanada keçiriləcək. Qarşılaşma Bakı vaxtı ilə saat 19:30-da başlayacaq.
