Sport24.az
"Yoxlama oyunlarında çox yaxşı performans göstərdik". Sport24.az xəbər verir ki, bu sözləri Xorvatiyanın "Osiyek" komandasının baş məşqçisi Jelko Sopiç deyib.
Daha əvvəl "Sabah"da da işləyən 51 yaşlı mütəxəssis Türkiyənin Antalya bölgəsindəki təlim-məşq toplanışı barədə danışıb, "Qarabağ" və "Sumqayıt" komandalarına qarşı keçirdikləri yoxlama matçlarına da toxunub:
"Nəticələri arxa plana qoysaq, oyunçuların çıxışından çox məmnun olduğumu deyə bilərəm. Üç oyun planlaşdırırdıq, sonda "Qarabağ"la razılaşdığımız üçün dörd qarşılaşma keçirdik və buna görə də şadam. Kimin hansı görüşdə oynayacağı ilə bağlı heç nəyi dəyişməmək qərarına gəldim və düşünürəm ki, gənc oyunçularımız "Qarabağ" kimi UEFA Çempionlar Liqasında oynayan rəqiblə yaxşı mübarizə apardılar. Nominal olaraq daha güclü heyət "Sumqayıt"a qarşı oynadı. Düşünürəm ki, bu da maraqlı matç idi".
Qeyd edək ki, "Qarabağ" "Osiyek"i 3:1 hesabı ilə üstələyib. "Sumqayıt" isə bu komandaya iki cavabsız qolla uduzub. Jelko Sopiç 2019-cu ilin noyabrından 2020-ci ilin yayınadək "Sabah"ın baş məşqçisi olub
