Lent.az
FİFA agenti Marko Kırdemir "Qalatasaray"ın ulduz hücumçusu Mauro İkardinin mövsümün sonunda komandadan ayrılacağını və "Yuventus"a keçəcəyini iddia edib.
Lent.az xarici mediaya istinadən bildirir ki, "Qalatasaray"ın ulduz hücumçusu Mauro İkardi ilə bağlı təəccüblü transfer şayiəsi yayılıb. FİFA agenti Marko Kırdemir argentinalı futbolçunun mövsümün sonunda "sarı-qırmızılı"dan ayrılacağını və İtaliyaya qayıdacağını iddia edir.
"Radyospor"da yayımlanan "Derinpas" verilişinin qonağı olan FİFA agenti Marko Kırdemir Mauro İkardinin gələcəyi ilə bağlı təəccüblü açıqlamalar verib. Kırdemir argentinalı ulduzun mövsümün sonunda "Qalatasaray"dan ayrılacağını və "Yuventus"la razılığa gəldiyini iddia edib.
"Mauro İkardi mövsümün sonunda mütləq İtaliyaya qayıdacaq. O, artıq "Yuventus"la razılığa gəlib. Sevgilisi də İtaliyada yaşamaq istəyir. O, "Qalatasaray"da davam etməyəcək. Bildiyiniz kimi, onun müqaviləsi mövsümün sonunda bitir", - Kırdemir bildirib.
Marko Kırdemir həmçinin "Qalatasaray"ın digər ulduzu Viktor Osimhen haqqında da danışıb. Kırdemir nigeriyalı hücumçunun "Real"ın transfer siyahısında olmadığını iddia edib. Məşhur agent bildirib ki, İspaniya nəhənginin əsas hücum hədəfi "Mançester Siti"də oynayan Erlinq Haalanddır.
