Idman.biz
Liqa 1-in gərgin keçən "Lion" - "Brest" qarşılaşmasında hesab 2:1 olub.
Oyunda hesabı meydan sahibləri açıblar. 41-ci dəqiqədə Pavel Sulk fərqlənib. 45+1-ci dəqiqədə isə Abner komandasının ikinci qolunu vurub. Qonaqlar 87-ci dəqiqədə Ebimbe ilə təsəlli qolunu vurub.
"Lion" qələbə ilə xallarını 33-ə çatdıraraq dördüncü pilləyə qalxıb. "Brest" isə 22 xalla 10-cudur.
22:27
Liqa 1-in növbəti qarşılaşması "Renn" və "Havr" arasında keçirilib.
İdman.Biz xəbər verir ki, oyun 1:1 hesabı ilə bitib.
Qolları qonaq komandanın heyətindən 69-cu dəqiqədə Feliks Mambimbi, "Renn"dən isə 86-cı dəqiqədə Breel Embolo vurub.
Bu oyundan sonra "Renn" 31 xalla beşinci, "Havr" isə 19 xalla 14-cüdür.
22:15
İdman.Biz xəbər verir ki, Fransa Liqa 1-in 18-ci turu çərçivəsində "Nant" "Paris" komandasını qəbul edib.
Oyunda hesabı erkən qolla qonaqlar açıb. Altıncı dəqiqədə Kebbal fərqlənib. 50-ci dəqiqədə Mattis Abline hesabı bərabərləşdirib. Qonaqların qələbə qolunu 78-ci dəqiqədə Luka Koleoşo vurub.
Bu qələbə "Paris"ə 19-cu xalını qazanmağa yardım edib. "Nant"ın isə 14 xalı var. Komandalar müvafiq olaraq turnir cədvəlində 13 və 16-cı yerdədir.
20:04
Fransa Liqa 1-in 18-ci turu çərçivəsində keçirilən "Strasburq" - "Mets" qarşılaşmasında sevinən ev sahibi olub.
İdman.Biz xəbər verir ki, "Strasburq" 2:1 hesabı ilə qələbə çalıb.
İlk qol 12-ci dəqiqədə "Strasburuq"un oyunçusu Moreyradan gəlib. Qonaqların cavab qolunu Hein 24-cü dəqiqədə penaltidən vurub. Ev sahibi komandanın qələbə qolunu isə 44-cü dəqiqədə Martial Qodo vurub.
Qələbə sayəsində "Strasburq" xallarını 27-yə çatdıraraq yeddinci pilləyə yüksəlib. "Mets" isə 12 xalla sonuncudur.
