Idman.biz
"Barselona"nın baş məşqçisi Hans-Diter Flik "bıauqrana"nın 18 yaşlı yetirməsi Pedro Fernandesin PSJ-yə mümkün transferi barədə danışıb.
İdman.Biz xəbər verir ki, daha əvvəl Fernandesin Kataloniya klubundan ayrılmaq qərarına gəldiyi və onun sərbəst qalma məbləğinin 6 milyon avro olduğu bildirilirdi.
"Cavab vermək istəmirəm, çünki məşqçi kimi oyunçuların inkişafına kömək etmək üçün çox enerji sərf edirəm. Pedro başqa kluba keçərsə, məndən soruşun, sizə deyərəm, amma indi yox.
Mənim fikrim hər kəsin qalmasıdır. Pedronun məsələsi hələ həll olunmayıb, amma bu, futboldur. 17 və ya 18 yaşlı oyunçular var, amma ətraflarında onları qərar verməyə məcbur edən insanlar var. Daha çox nəsə demək istəmirəm", - deyə AS Flikdən sitat gətirir.
Pedro Fernandes "Barselona" akademiyasında yetişib və 2025-ci ildə böyüklər komandasına keçib. Bu mövsüm o, "blauqrana"da beş oyun keçirib və bir məhsuldar ötürmə edib.
