Sport24.az
Rumıniya millisinin keçmiş oyunçusu İonel Danciulesku Mirça Luçeskunun səhhəti barədə danışıb. Sport24.az xəbər verir ki, o, bu barədə "Digi Sport"-a açıqlama verib:
Danciuleskunun sözlərinə görə, Rumıniya Futbol Federasiyası mütəxəssisin səhhətinin arzuolunan səviyyədə olmadığının fərqində idi:
"Yaranmış vəziyyət barədə tam məlumatım yoxdu. Fikrimcə, pley-off oyunlarından öncə federasiyada cənab Luçeskunun vəziyyətinin optimaldan çox uzaq olduğunu yaxşı bilirdilər. Vəziyyətin çətin olduğu açıq-aydın görünürdü və belə bir şəraitdə müvafiq planlar hazırlanmalı idi.
Hesab edirəm ki, cənab Mirça Luçeskunun Türkiyə və Slovakiya ilə oyunlarda iştirak etməməsi lazım idi. Bu, açıq-aydındır. Türkiyəyə məğlubiyyət vəziyyəti daha da pisləşdirdi. Buna görə də o, hazırda bu vəziyyətdədir".
Qeyd edək ki, Luçesku dünən süni nəfəs aparatına qoşulub.
