Sport24.az
"Çelsi" müdafiəçi Pep Çavarriyanın tranferi ilə bağlı "Rayo Valyekano" ilə razılığa gəlib. Sport24.az xəbər verir ki, bu barədə insayder Fabrisio Romano "X" sosial media hesabında paylaşım edib.
London klubu oyunçu üçün 19 milyon avro zəmanətli, üstəgəl əlavə 2 milyon avro bonus ödəyəcək. "Zadəganlar" bir müddət əvvəl 28 yaşlı futbolçu ilə şəxsi müqavilə şərtlərini razılaşdırıb. Pep tibbi müayinədən keçmək üçün artıq Londona gedib.
Qeyd edək ki, müdafiəçi ötən mövsüm "Rayo Valyekano"nun heyətində bütün turnirlərdə 44 oyun keçirib, 1 qol vurub və 3 məhsuldar ötürmə edib.
