Idman.biz
Almaniya Bundesliqasının 25-ci turunun "Köln" və "Borussiya Dortmund" komandaları arasında keçirilən oyun başa çatıb.
Matç eyniadlı şəhərdəki "Köln" stadionunda baş tutub və qonaq komandanın 2:1 hesablı qələbəsi ilə bitib.
"Borussiya"nın oyunçusu Seru Girassi 17-ci dəqiqədə hesabı açıb. 60-cı dəqiqədə Maksimilian Bayer komandasının üstünlüyünü artırıb. 88-ci dəqiqədə "Köln" yarımmüdafiəçisi Yakub Kaminski oyunun sonuncu qolunu vurub.
Bu oyundan sonra "Borussiya Dortmund" 55 xalla Almaniyanın yüksək liqasında ikinci, "Köln" isə 24 xalla 13-cü yerdədir.
20:35
Almaniya Bundesliqasının 25-ci turunun "Frayburq" və "Bayer" komandaları arasında keçirilən oyun başa çatıb.
İdman.Biz xəbər verir ki, qarşılaşma Almaniyanın Frayburq-im-Braysqau şəhərindəki "Europa-Park" stadionunda baş tutub və 3:3 hesablı heç-heçə ilə bitib.
Ev sahibi yarımmüdafiəçi Vinçenzo Qrifo matçın ilk qolunu 34-cü dəqiqədə vurub. Qonaq hücumçu Kristian Kofane 37-ci dəqiqədə hesabı bərabərləşdirib. "Frayburq"un yarımmüdafiəçisi Yuito Suzuki 43-cü dəqiqədə komandasını irəli çıxarıb. 45+3-cü dəqiqələrdə müdafiəçi Alexandro Qrimaldo hesabı yenidən bərabərləşdirib. İkinci hissədə "Leverkuzen"in hücumçusu Martin Terye 52-ci dəqiqədə qol vurub. 86-cı dəqiqədə "Frayburq"un müdafiəçisi Mattias Ginter hesabı 3:3 edib.
Bu oyundan sonra "Frayburq" Almaniyanın yüksək divizion turnir cədvəlində 34 xalla səkkizinci, "Bayer" isə 44 xalla beşinci yerdədir.
Turun digər oyunları belə başa çatıb:
"RB Leypsiq" – "Auqsburq" – 2:1
"Volfsburq" – "Hamburq" – 1:2
"Haydenhaym" – Hoffenhaym" – 2:4
"Mayns" – "Ştutqart" – 2:2
