Idman.biz
"Bornmut" "Vasko da Qama"nın 19 yaşlı hücumçusu Rayan uğrunda mübarizəyə qoşulub.
İdman.Biz-in ESPN-ə istinadən məlumatına görə, ingilis klubu oyunçu üçün 35 milyon avro təklif edib, Braziliya komandası isə 50 milyon avro istəyir.
Mənbənin məlumatına görə, "albalılar" Rayanı "Mançester Siti"yə keçən cinah hücumçusu Antuan Semenyonun mümkün əvəzedicisi kimi nəzərdən keçirirlər. "Bornmut"dan əlavə, "Bavariya", "Borussiya Dortmund" və "Kristal Palas" da hücumçu ilə maraqlanır.
Rayan 2023-cü ilin yayından bəri "Vasko da Qama"nın əsas komandasında oynayır. Bu müddət ərzində hücumçu bütün yarışlarda 98 oyunda meydana çıxıb, 23 qol vurub və iki məhsuldar ötürmə edib. Onun klubla hazırkı müqaviləsi 2028-ci ilin sonuna qədərdir. Transfermarkt-dakı məlumata görə, onun bazar dəyəri 25 milyon avrodur.
