Lent.az
Portuqaliya Liqasının 33-cü həftəsində "Benfika" "Braqa" ilə 2:2 heç-heçə edərək final oyunlarından əvvəl 3-cü yerə düşüb.
Lent.az-ın xarici mediaya istinadən məlumatına görə, əgər "Benfika" 3-cü yeri tutsa, Çempionlar Liqasına birbaşa vəsiqə qazanmaq şansını əldən verəcək.
"Benfika" 46-cı dəqiqədə Rafa Silvanın qolu ilə hesabı açıb, lakin "Braqa" 48-ci dəqiqədə Pau Viktor və 88-ci dəqiqədə Qorbinin qolları ilə hesabda irəli çıxıb. "Benfika"nın xeyrinə əlavə vaxtda penalti təyin edilib, Vanqelis Pavlidis 90+5-ci dəqiqədə zərbəni dəqiq yerinə yetirərək hesabı 2:2 edib.
Bu nəticə ilə "Benfika" xallarını 77-yə çatdırsa da, "Sportinq"ə ikinci yerə çıxmasına mane ola bilməyib. Liqada məğlubiyyətsiz qalan Mourinyonun komandası son liqa oyunlarından sonra üçüncü yeri tutsa, Çempionlar Liqasına birbaşa vəsiqə qazanmaq şansını itirəcək. Bu arada, qonaq komanda "Braqa" 58 xalla dördüncü yeri tutur.
Liqa mövsümünün son oyunlarında "Benfika" "Eştoril" ilə səfərdə qarşılaşacaq. "Braqa" evdə "Estrela"nı qəbul edəcək. "Benfika"nın rəqibi "Sportinq" evdə "Gil Visente" ilə görüşəcək.
