Idman.biz
"Barselona"nın baş məşqçisi Hansi Flikin müqaviləsi 2027-ci ilin iyun ayına qədərdir.
İdman.Biz-in xəbərinə görə, alman məşqçi əvvəllər uzunmüddətli müqavilə bağlamaq istəmədiyini və buna görə də müqavilənin uzadılması barədə qərar verməkdə gecikəcəyini bildirmişdi.
"Barselona"da isə hər kəs alman məşqçinin mümkün qədər uzun müddət baş məşqçi kimi qalmasını istəyir. Yaxın gələcəkdə məşqçi dəyişmək istəməmələrinə baxmayaraq, klub Flikin yerinə namizədlər axtarır.
"Diario Sport"un məlumatına görə, əsas namizədlər hazırda PSJ-də olan Luis Enrike və hazırda "Arsenal"da olan Mikel Artetadır.
Xatırladaq ki, Enrike artıq 2014-cü ildən 2017-ci ilə qədər "Barselona2ya rəhbərlik edib. Arteta isə 1999-cu ildən 2000-ci ilə qədər bu klubda oynayıb.
