İdman.biz
Avropa Liqasında "Qarabağ"ın ilk 8-ə düşmə şansı 16 faizə bərabərdir.
İdman.biz xəbər verir ki, bu barədə "Football Meets Data" təhlil şirkəti məlumat yayıb.
Şirkət turnirdə mübarizə aparacaq 36 komandanın oyunları və əmsalları əsasında 10 mindən çox sumulyasiya aparıblar. Yekun nəticədə Ağdam təmsilçisinin ilk 8-də yer alma şansı 16, 9-24-cü yerləri tutmaq şansı isə 65 faizə bərabər olub. "Qarabağ" sıralamada 22-ci pillədə yer alıb. Ağdamlılar "Tvente", "Reyncers", "Beşiktaş", "Lüdoqorets" kimi komandaları arxada qoyublar.
Qeyd edək ki, simulyasiyanın nəticəsinə görə ilk 3 pillədə "Tottenhem", "Mançester Yunayted" və "Roma" qərarlaşıb.
İdman.biz
