Idman.biz
Londonun "Çelsi" və "Arsenal" komandaları arasında keçirilən İngiltərə Liqa Kubokunun yarımfinal oyunu başa çatıb.
İdman.Biz bildirir ki, komandalar İngiltərənin London şəhərindəki "Stemford Bridc" stadionunda oynayıblar.
Mikel Artetanın komandası 3:2 hesablı qələbə qazanıb.
Yeddinci dəqiqədə "Arsenal"ın müdafiəçisi Ben Uayt hesabı açıb. 49-cu dəqiqədə hücumçu Viktor Gyökereş komandasının üstünlüyünü ikiqat artırıb. 57-ci dəqiqədə "Çelsi"nin cinah oyunçusu Alehandro Qarnaço fərqi azaldıb. 71-ci dəqiqədə yarımmüdafiəçi Martin Subimendi "topçular"ın üçüncü qolunu vurub. Qarnaço 83-cü dəqiqədə ikinci qoluna imza atıb.
İngiltərə Liqa Kubokunun yarımfinalının ikinci oyunu 2 fevralda keçiriləcək. Finalda bu cütlüyün qalibi "Mançester Siti" – "Nyukasl" oyunundan daha güclü komanda ilə qarşılaşacaq. Kubokun qalibi 22 martda müəyyənləşəcək.
