Qol.az
"Liverpul"dan ayrılaraq "Real"a keçəcəyi açıqlanan Trent Aleksander-Arnold transfer haqda danışıb.
QOL.az xəbər verir ki, o, "mersisaydlılar"a və azarkeşlərə müraciət edib:
"Mən çox şey söyləmək istərdim.İlk növbədə hamıya ox "sağ olun" deyirəm. Əvvəldən yanımda idiniz, mənə dəstək oldunuz.. Sevginizi hiss etdim. Heç nə heç vaxt mənim gözümdən qaçmayıb. Hər dəqiqədən həzz aldım. Ümid edirəm ki, siz bunun qarşılıqlı olduğunu və kluba bacardığım hər şeyi verdiyimi görə bildiniz. Nə "Liverpul"la, nə də azarkeşləri ilə birlikdə etdiklərimi heç vaxt unutmaram. Mənimlə əbədi yaşayacaq çoxlu xatirələrim var.
Şübhəsiz ki, geri qayıdacağam. Mən çox istərdim ki, bir gün uşaqlarımı "Enfild"ə aparım. Hər şeyə görə təşəkkür edirəm. Mən bu klubu, onun içindəki insanları, azarkeşləri həmişə sevəcəyəm. Bir oyunçu kimi getsəm də, bir azarkeş kimi həmişə "Liverpul"un yanında olacağam".
Qeyd edək ki, 26 yaşlı britaniyalı futbolçunun klubla müqaviləsi 2025-ci il iyunun 30-da başa çatır. O, 2004-cü ildə "Liverpul" yeniyetmə futbolçu kimi oynamağa başlayıb, 2016-cı ildə klubla peşəkar müqaviıə bağlayıb.
Trent Aleksander-Arnold "Liverpul"un heyətində 352 oyun keçirib, 23 qol vurub və 92 məhsuldar ötürmə edib.
