Idman.biz
2026-cı il Fransa Superkuboku uğrunda "Lans" və PSJ arasında keçirilən oyun başa çatıb.
İdman.Biz bildirir ki, oyun Lansdakı "Stade Bollaert-Delelis" stadionunda baş tutdu. "Lans" 1:0 hesablı qələbəsini qeyd edib.
"Lans"ın yarımmüdafiəçisi Florian Toven matçın yeganə qolunu 32-ci dəqiqədə vurub.
"Lans"ın müdafiəçisi Killian Antonio 39-cu dəqiqədə meydanın mərkəzində kobud hərəkətə görə meydandan qovulub. PSJ-nin müdafiəçisi Nunu Mendeş 86-cı dəqiqədə qırmızı vərəqə alıb.
11:10
Bu gün, avqustun 16-da "PSJ" və "Lans" Fransa Superkuboku (Trophée des Champions) uğrunda qarşılaşacaqlar.
İdman.Biz xəbər verir ki, görüş Lans şəhərindəki "Bollaert-Delelis" stadionunda keçiriləcək və Bakı vaxtı ilə saat 22:45-də başlayacaq.
"PSJ" matça Fransa çempionu, "Lans" isə ölkə kubokunun qalibi kimi çıxacaq.
Paris təmsilçisi qarşılaşmaya UEFA Superkubokundakı qələbədən sonra çıxacaq. Luis Enrikenin komandası avqustun 12-də "Aston Villa"nı 2:1 hesabı ilə məğlub edərək növbəti titulunu qazanıb.
"PSJ" Fransa Superkubokunun rekordçusudur. Parislilər bu turnirdə 14 dəfə qalib gəliblər və növbəti qələbə ilə titullarının sayını 15-ə çatdıra bilərlər.
"PSJ" və "Lans" daha əvvəl də Fransa Superkubokunda üz-üzə gəliblər. 1998-ci ildə keçirilən qarşılaşmada Paris klubu 1:0 hesabı ilə qalib gəlib.
