Idman.biz
İtaliya A Seriyasının 16-cı turunun "Komo" və "Milan" komandaları arasında keçirilən oyun başa çatıb.
İdman.Biz bildirir ki, matç Komodakı "Cüzeppe Sinigalya" stadionunda baş tutub və qonaqların 3:1 hesablı qələbəsi ilə bitib.
10-cu dəqiqədə "Komo"nun müdafiəçisi Mark-Oliver Kempf hesabı açıb. 45+1-də qonaqların hücumçusu Kristofer Nkunku penaltidən hesabı bərabərləşdirib. 55-ci dəqiqədə yarımmüdafiəçi Adrien Rabio "Milan"a üstünlük qazandırıb. Rabio oyunun sonlarında ikinci qolunu vurub.
16 A Seriyası oyunundan sonra "rossoneri" 43 xalla ikinci yerdədir. "Komo" 34 xalla altıncı yerdədir.
23:53
İtaliya çempionatının 16-cı turunun təxirə salınmış oyununda "Bolonya" səfərdə "Verona"nı 3:2 hesabı ilə məğlub edib.
İdman.Biz bildirir ki, meydan sahibləri hesabı 13-cü dəqiqədə Gift Orbanın qolu sayəsində açıblar. Qonaqlar daha sonra Rikardo Orsolini, Yens Odgaard və Santyaqo Kastronun qolları ilə ardıcıl üç qol vurublar. 72-ci dəqiqədə "qırmızı-göylər"in yarımmüdafiəçisi Remo Freuler öz qapısına qol vurub.
"Bolonya" İtaliya çempionatında yeddi oyunluq qələbəsizlik seriyasına son qoyub. Komanda 30 xalla A Seriyasında səkkizinci yerə yüksəlib. "Verona" 13 xalla turnir cədvəlinin sonuncu pilləsindədir.
"Bolonya" 18 yanvarda "Fiorentina" ilə, "Verona" isə ertəsi gün "Kremoneze" ilə qarşılaşacaq.
