Idman.biz
İspaniyanın "Atletik Bilbao" futbol komandasının qapıçısı Unai Simon "Real Sosyedad"la Bask derbisində komandasının 2:1 hesablı qələbəsində əsas rol oynayıb.
İdman.Biz xəbər verir ki, bu yaxınlarda dünyanın ən yaxşı qapıçısı seçilən 29 yaşlı futbolçu bir neçə möhtəşəm qurtarışla komandasını qoldan xilas edib.
Bir həftə əvvəl Londonda keçirilən "Qızıl top" mərasimində Lev Yaşin mükafatına layiq görülüb. İspaniya millisinin heyətində 2026-cı il dünya çempionatının qalibi olan qapıçı turnirin ən yaxşı qolkiperinə verilən "Qızıl əlcək" mükafatını da qazanıb.
Bununla belə, ispaniyalı futbolçu "Atletik Bilbao"dan ayrılmaq niyyətində deyil. O, bir müddət əvvəl "Marca" nəşrinə açıqlamasında heç bir məbləğin onu komandasından ayrılmağa razı sala bilməyəcəyini bildirib.
Simon hətta 150 milyon avroluq təklif qarşılığında belə Bilbao təmsilçisini tərk etməyəcəyini vurğulayıb. Qapıçının sözlərinə görə, yalnız komanda rəhbərliyi bunu istəsə, ayrılmağa razı olar.
