Idman.biz
Yamaykalı səkkizqat Olimpiya çempionu Useyn Bolt "Formula E" komandasının investor olmaq üçün danışıqlar apardığını açıqlayıb.
İdman.Biz xəbər verir ki, əfsanəvi sprinter bu mövzunun öz çevrəsində fəal şəkildə müzakirə olunduğunu təsdiqləyib.
"Danışıqlar gedir - indi ən vacib şey layihəni nəhayət başlatmaq üçün düzgün komandanı toplamaqdır. Həmkarlarımla mən bunu mütləq müzakirə edəcəyik. Və artıq dediyim kimi, bu, perspektivli bir istiqamətdir - artıq sürət qazanan və yaxşı inkişaf edən bir layihəyə qoşulmaq. Hər şeyi düzgün təşkil etmək, düzgün yola qoymaq və bunun düzgün qərar olub-olmadığını qiymətləndirmək vacibdir", - deyə RacingNews365 Boltun sözlərini sitat gətirir.
