Idman.biz
"Mercedes" komandasının rəhbəri Toto Volff komandanın italyan pilotu Andrea Kimi Antonelli haqqında danışıb.
İdman.Biz xəbər verir ki, Volff Antonellidən yaşına görə çox şey tələb olunduğunu vurğulayıb.
"Antonellinin sürətinə, istedadına, bacarığına və ustalığına heç vaxt şübhə etməmişəm. Amma düşünürəm ki, biz onun yaşını az qiymətləndirmişik.
Belə gənc yaşda belə vəhşi bir sirkə atılırsansa, təzyiqlər, jurnalistlər və qaçılmaz olan yüksək gözləntiləri doğrultmaqla mübarizə aparmalı olursansa, bu çox çətindir. Amma şübhə etmirəm ki, bu il onun üçün yaxşı keçib", - "GPBlog" Volffdan sitat gətirib.
Antonelli "Formula-1"də debütünü 2025-ci ildə edib. İtalyan yarış pilotu çempionatda yeddinci yeri tutub.
