Idman.biz
"Formula-1"də çıxış edən "Maklaren" komandası Barselonada təşkil olunacaq qapalı mövsümöncəsi testlərin ilk günündə trasa çıxmayacaq.
İdman.Biz xəbər verir ki, bu qərar komandanın yeni bolidi MCL40 üzərində işləmək üçün əlavə vaxt qazanmaq məqsədi daşıyır. "Maklaren" testlərə ikinci və ya üçüncü gündən başlamağı planlaşdırır.
Komandanın rəhbəri Andrea Stella məsələ ilə bağlı bildirib ki, Barselonada beş test günündən yalnız üçündə trasa çıxmaq mümkündür və erkən mərhələdə tələsməyə ehtiyac yoxdur. Onun sözlərinə görə, boliddə edilən çoxsaylı dəyişikliklər fonunda əsas hədəf dizayn və inkişaf mərhələsini maksimum səviyyədə uzatmaqdır.
Stella əlavə edib ki, erkən testlər maşını daha tez anlamağa imkan versə də, bu, eyni zamanda dizayn və istehsal qərarlarının vaxtından əvvəl təsdiqlənməsi deməkdir. Buna görə də komanda inkişaf vaxtı ilə maksimal nəticə arasında düzgün balans tapmağa çalışır.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
