Lyuis Hemiltonun DJ-lik etdiyi və Nikol Şerzingerlə səhnəyə çıxdığı bayram gecəsi

"McLaren"in keçmiş mexaniki və hazırda avtoidman mütəxəssisi Mark Pristli məşhur pilotların əyləncələri ilə bağlı xatirələrini bölüşüb.

"Fernando Alonso "McLaren"də hadisələrin necə bitdiyini nəzərə alsaq, təsəvvür edə biləcəyiniz kimi, Milad əyləncələrimizə gəlmədi. Lyuis Hemilton bayram ziyafətlərində əla əylənməyi bacarır. Yadımdadır, o, 2008-ci ildə ilk dünya çempionatını qazananda o vaxtkı sevgilisi Nikol Şerzingeri də gətirmişdi. Hemilton olduğumuz gecə klubundakı DJ kabinəsini ələ keçirdi və gecənin çox hissəsini diceylik etdi. Şerzinger mikrofonu götürüb mahnı oxumağa başladı və Hemilton da ona qoşuldu. Mən orada onun hər tərəfini gördüm!

Maks Ferstappenin də yaxşı vaxt keçirəcəyini təsəvvür edə bilirəm, amma düşünmürəm ki, bu, Şumaxer və Kimi Raykkonenin keçirdiyi əyləncələr kimi olardı. Mən də onların bir neçəsində iştirak etmişəm. Raykkonen əla oğlan idi, o, yarışları da, əyləncələri da ən yüksək səviyyədə keçirməyi bacarırdı. O, maşınını inanılmaz dərəcədə yaxşı idarə edir, rekord dövrə vururdu, eyni zamanda ağlasığmaz əyləncələr təşkil edirdi. Raykkonen, eyni anda həm milyonçu, həm də 22 yaşlı gənc kimi idi. Bu, dəbli bir həyat tərzi idi və əla idi.

Bugünkü yarış pilotlarının çoxu, məsələn, Lando Norris və Ferstappen hələ də çox gəncdirlər, amma onlar da bir az əylənməlidirlər. Əvvəllər belə idi ki, əgər bir fotoqraf yarış pilotunun etməməli olduğu bir hərəkətinin şəklini çəksəydi, pilot fotoqrafdan ona şəkli və ya filmi verə bilib-bilməcəyini soruşardı və bu qədər. Amma indi kimsə telefonu ilə şəkil çəksə, bu, əbədi olaraq internetdədir", - "GPBlog" Pristlinin sözlərini sitat gətirib.