Idman.biz
"Ferrari" komandasının 40 yaşlı britaniyalı pilotu, yeddiqat "Formula-1" dünya çempionu Lyuis Hamilton 2025-ci il mövsümünü karyerasında ilk dəfə podiuma çıxmadan başa vurub.
İdman.Biz xəbər verir ki, Əbu-Dabi Qran-prisi ilə yekunlaşan mövsüm Hamilton üçün şəxsi antirekordla yadda qalıb. Britaniyalı pilot cari mövsümdə yalnız Çin Qran-prisində sprint yarışını qazanıb. Lakin sprint nəticələri ümumi "Formula-1" podium və qələbə statistikasına daxil edilmir.
Xatırladaq ki, Lyuıs Hamilton "Formula-1"də debütünü 2007-ci ildə "Maklaren" komandasında edib. Həmin vaxt onun komanda yoldaşı ikiqat dünya çempionu Fernando Alonso olub. Britaniyalı pilot ilk dünya çempionluğunu 2008-ci ildə qazanıb.
Hamilton 2013-cü ildən "Mercedes"ə keçib və bu komandada daha altı çempionluq titulu əldə edib. 2025-ci il mövsümünü isə o, İtaliya təmsilçisi "Ferrari"nin tərkibində keçirib.
