Lent.az
Ən ucuz 10 idman avtomobilinin adı açıqlanıb.
Lent.az xəbər verir ki, bu barədə Topspeed.com saytı məlumat yayıb.
Saytın ekspertləri avtomobil satışları ilə bağlı məlumatları təhlil edərək reytinq tərtib ediblər.
Reytinqə 2025-ci il buraxılışı olan "Mazda MX-5 Miata" başçılıq edib. Avtomobilin qiyməti 29 800 dollar təşkil edir. "Mazda MX-5 Miata" 181 at gücünə malik 2.0 litrlik mühərriklə təchiz edilib.
İkinci yeri 30 800 dollar dəyərində olan "Toyota GR86" tutub. Bu avtomobil 228 at gücünə malik 2.4 litrlik mühərriklə işləyir.
Üçüncü yerdə "Honda Civic Si" qərarlaşıb və onun qiyməti 31 000 dollardır. Avtomobilin güc aqreqatı 200 at gücünə malik 1/5 litrlik mühərrikdir.
Növbəti yerlərdə isə "Volkswagen Golf GTI", "Hyundai Elantra N", "Subaru WRX", "Toyota GR Corolla", "Nissan Z", "Honda Civic Type R" və "Volkswagen Golf R" avtomobilləri gəlir.
